المدونة دي كتبتها وأنا بذاكر .. كنت بذاكر عربي .. كنت بحل امتحان و جالي سؤال غريب بيقول "ما رأي المصلحون في عمل المرأة؟" .. ده في درس -العمل ضرورة انسانية- في اولي ثانوي , لما قرأت بقيت الأسئلة عن الدرس لقيت اسأله اقل ما يقال عنها انها متخلفة !
مثلا سؤال بيقول "ما افضل عمل تقوم به المرأة؟" .. و الحل هو رعاية اولادها و زوجها
طب ليه لازم افضل عمل يكون بيتها و زوجها؟
انا مش ضد الكلام ده بس ليه اخليه هو اهم حاجة في حياة المرأة ؟
ليه ميبقاش الاتنين؟
ليه لازم الزوج يبقي برا البيت طول اليوم عشان هو "بيشتغل" و هي في بيتها مع اولادها و ليها احلام كتيرة بتتهدم؟
طبعا هسمع كلمه دي قيم و عادات و تقاليد و دين ..
دين؟؟
في دين بيقول ان المرأة متشتغلش عشان هي بس إلي تتحمل مسئولية ولادها؟
السيدة رقية ابنة الرسول صلي الله عليه و سلم كانت طبيبة !
في امتحان تاني سؤال بيقول "عمل المرأة يجب ان يكون من خلال قيم محددة , فما هي؟"
الجواب : ان تكون في حدود الأحتشام و الاخلاق
طب وانت مالك ؟
و ليه المرأة يتبص علي كل لبسها مليون مرة و هي نازلة و الراجل عادي يعني .. مثال:لو بنت نزلت شغلها و شعرها باين من الطرحة هيتقال عنها نازلة عشان تلم عرسان .. مع انها ممكن تكون كانت مستعجلة عشان تلحق شغلها و دي اصلا حرية شخصية .. و لو هو نزل لابس مايوه هيتقال عنه كان مستعجل و بيتعب عشان شغله بلاش تظلموه
في امتحان تاني لمدرسة بنات مكتوب
-لماذا يعتبر الكاتب ان العمل الأول للمرأة هو داخل بيتها؟
-بيني السمات التي يجب ان تتسم بها المرأة إذا نزلت للعمل؟
طيب دلوقتي لازم اجاوب زي ما الكتاب بيقول و الا هنقص درجات
طب ليه تفرض علي مدرسة بنات فكر ممكن يكون غلط ؟
ليه المنهج ده إلي في ولاد كمان بيدرسوه و انت كده بتبني فكرهم انه يكون متحيز ضد البنت !
ليه احنا ماشيين علي عادات و تقاليد عمرنا ما فهمناها و لا فكرنا فيها؟
انا مؤمنة بكل الديانات السماوية و مفيش ولا ديانة بتقول ان المرأة لازم تتظلم لمجرد انها اتجوزت لمجرد انها اتولدت بنت
العادات و التقاليد بيقولوا كده و انا كافرة بالعادات و التقاليد
-في النهاية شكرا لكتاب المدرسة إلي خلاني أرجع أدون بعد ما كنت بطلت من 6 شهور :)
-
مثلا سؤال بيقول "ما افضل عمل تقوم به المرأة؟" .. و الحل هو رعاية اولادها و زوجها
طب ليه لازم افضل عمل يكون بيتها و زوجها؟
انا مش ضد الكلام ده بس ليه اخليه هو اهم حاجة في حياة المرأة ؟
ليه ميبقاش الاتنين؟
ليه لازم الزوج يبقي برا البيت طول اليوم عشان هو "بيشتغل" و هي في بيتها مع اولادها و ليها احلام كتيرة بتتهدم؟
طبعا هسمع كلمه دي قيم و عادات و تقاليد و دين ..
دين؟؟
في دين بيقول ان المرأة متشتغلش عشان هي بس إلي تتحمل مسئولية ولادها؟
السيدة رقية ابنة الرسول صلي الله عليه و سلم كانت طبيبة !
في امتحان تاني سؤال بيقول "عمل المرأة يجب ان يكون من خلال قيم محددة , فما هي؟"
الجواب : ان تكون في حدود الأحتشام و الاخلاق
طب وانت مالك ؟
و ليه المرأة يتبص علي كل لبسها مليون مرة و هي نازلة و الراجل عادي يعني .. مثال:لو بنت نزلت شغلها و شعرها باين من الطرحة هيتقال عنها نازلة عشان تلم عرسان .. مع انها ممكن تكون كانت مستعجلة عشان تلحق شغلها و دي اصلا حرية شخصية .. و لو هو نزل لابس مايوه هيتقال عنه كان مستعجل و بيتعب عشان شغله بلاش تظلموه
في امتحان تاني لمدرسة بنات مكتوب
-لماذا يعتبر الكاتب ان العمل الأول للمرأة هو داخل بيتها؟
-بيني السمات التي يجب ان تتسم بها المرأة إذا نزلت للعمل؟
طيب دلوقتي لازم اجاوب زي ما الكتاب بيقول و الا هنقص درجات
طب ليه تفرض علي مدرسة بنات فكر ممكن يكون غلط ؟
ليه المنهج ده إلي في ولاد كمان بيدرسوه و انت كده بتبني فكرهم انه يكون متحيز ضد البنت !
ليه احنا ماشيين علي عادات و تقاليد عمرنا ما فهمناها و لا فكرنا فيها؟
انا مؤمنة بكل الديانات السماوية و مفيش ولا ديانة بتقول ان المرأة لازم تتظلم لمجرد انها اتجوزت لمجرد انها اتولدت بنت
العادات و التقاليد بيقولوا كده و انا كافرة بالعادات و التقاليد
-في النهاية شكرا لكتاب المدرسة إلي خلاني أرجع أدون بعد ما كنت بطلت من 6 شهور :)
-
كلام جميل كلام معقول مقدرش اقول حاجة عنه
ردحذفنسيتى درس نصايح أم لأبنتها, أنا بتشل فى كل مرة بقراه
ردحذف