في بداية كلامي احب اقول كل سنة وأنت طيب يا محمود سليمان ,, عيد ميلاده النهاردة ,, أقروا له الفاتحة لأنه شهيد من "مذبحة" بورسعيد.
والنهاردة يوم 11 سبتمر ذكري عملية أسامة بن لادن رحم الله جميع الشهداء في العالم.
أحنا بننتقد الأخوان لأنهم جم بطريقة غير شرعية ,, وبننتقد مرسي لأنه معملش إلي قال أنه هيعمله في 100 يوم بس هم لسه مخلصوش ,, لما يخلصوا يبقي لينا كلام تاني ,, طيب في موضوع أنه هيشيل الزبالة من الشوارع بصراحة دي بدأت وأنا شفتها في أماكن كتيره بس حد شاف إلي الناس بتعمله ؟
في ناس بتتعمد ترمي في الشارع و بتتعمد تكسر الأشارة في أماكن كتير ,, الغلط علي ظابط الشرطة أنه مش موجود بس بردو ليه أحنا مينفعش نحكم نفسنا ؟
يمكن لو عملنا 100 ثورة في حاجات فينا أحنا لازم تتغير ملهاش علاقة بالنظام او الحاكم
الناس نظرتها للظابط أتغيرت ,, بقوا بيستحقروه عشان إلي حصل في بداية الثورة أما سابوا الشوارع ,, ده كان أمر ليهم مش بمزاجهم و حتي لو هم غلطوا لازم نخليهم يعملوا شغلهم مينفعش نسيبلهم فرصة إنهم يسيبوا شغلهم ولذلك ممكن نلاقي الفرد المصري في البلاد الأخري من اكتر الناس التزاماً بالقوانين في المكان الي هم فيه بس داخل مصر بيستخدم كل الحيل للإفلات من القوانين ,, هل ده من أخطاء النظام السابق او العسكر او الأخوان ؟ لا ,, ده غلط في المصريين بشكل عام ولازم يتغير.
أول إمبارح حصلت حاجة ضايقتني أنا شخصياً ,, موضوع الدوري والأولتراس ,, المحاكمات كانت لازم تتم قبل أي دوري لإن إلي ماتوا دول مش أي حد ,, دول شباب كانوا ممكن يغيروا مستقبل مصر ,, من ساعة ما قالوا إن الدوري بدأ كنا لازم نفهم إن الموضوع إتنسي أصلاً بس بردو دي غلطتنا ,, مكنش ينفع نخليهم ينسوا بالسهولة دي لإن إلي ماتوا دول أخواتنا في الدين و في الوطن و حقهم مش هيروح بالسهولة دي ولا دمهم هيروح هدر
إحنا بقينا في أمه بينزل فيها الدم زي الحبر في الجرانين
ببساطة جداً قبل ما نعمل ثورة لازم نعمل ثورة علي نفسنا الأول لأن زي ما إحنا أصحاب أول حضارة في العالم و أنجح ثورة في العصر الحديث ,, إحنا عيال و بننسي بسرعة جداً و محتاجين نفهم إن الموضوع مش سهل ولا دم كل إلي ماتوا دول سهل يضيع
و حياة دمك يا شهيد ,, ثورة تاني من جديد ,, ثورة ثورة حتي النصر ,, ثورة في كل شوارع مصر
ليست هناك تعليقات:
إرسال تعليق