انا اول مرة ابدأ ادون ,, واول مرة اجرب اوصل كلامي لحد ياريت كلامي يعجبكوا :)
انا هكلم النهاردة عن حاجة الناس موهومة بيها مدونتي كان اسمها جيفارا قال عشان جيفارا هو ألي فجرها و في سنة 1998 بعد ما كان مات من 30 سنة ,, بدأت تنتشر في العالم حمي غيفارا ,, غيفارا عمره ما كان ليه عائلة او اصدقاء او حتي وطن ينتمي ليه ,, غيفارا اثبتلنا ان العالم شايف الثائر وهم و قال مرة "إن الشعوب المسلحة فقط هي القادرة علي صنع مقدراتها و استحقاق الحياة الفضبي" غيفارا كان رمز الحرية بس للأسف الشعوب العربية نسيت الحرية ,, يا تري ليه نسينا الحرية يا عرب ؟ حصلت الثورة و شلنا مبارك بس بعد كده في الأعادة جالنا نظام سابق و اخوان باعوا الثورة اصلا من البداية ,, لما طلع بيان الثورة يوم 10 يناير بعدها الأخوان يوم 19 قالوا ان هم مش هيشاركوا في المظاهرات يوم 25 يناير لان ده في نفس يوم عيد الشرطة بعدها نزلوا يوم جمعة الغضب و اتنسبتلهم الثورة و بطولة مش حقيقية ,, و يوم 5 فبراير اجتمعت الجماعة مع رئيس المخابرات عمر سليمان و من هنا بدأت اللعبة و بعد كده قالوا كذا مرة ان هم مش هيرشحوا حد للرئاسة وطلعوا كتير يقولوا الكلام ده وبعد كده بعد ما اترشح د.عبد المنعم ابو الفتوح طلع من الجماعة وهم أكدوا ان هم مش هيدعموه و خيرت الشاطر بنفسه قال الكلام ده علي قناة الجزيرة وبعدها رشحوا خيرت الشاطر عن الجماعة وبعد كده اترشح مرسي و بعد ما أخذ السلطة قال انا بره جماعة الاخوان المسلمين ,, طب يا تري ليه دلوقتي بيقولوا ان الرئيس اخوان ؟ ,, النائب بيومي قال ان كل الي بينتقدوا جماعة الاخوان المسلمين "كفرة" ,, من الأخر اتنين مالهمش امان العسكر والاخوان.
يحكي ان ,, لازم يحكي كان يا مكان ان ولادنا عملوا ثورة كالبركان قام العسكر نط عليها خزقوا عينيها واتحالفوا مع الاخوان
تقدروا تقولولي رأيكوا علي تويتر @Nozaah والفيس بوك Facebook\Nozaah ,, مدونتي هتبقي عبارة عن حلقات هنشرها كل يوم الثلاثاء وان شاء الله يعجبكوا :).
ليست هناك تعليقات:
إرسال تعليق