ساعات بسأل نفسي هو انا عايشة ليه؟
ليا فايدة يعني ؟
طب ايه هي ؟
اصل انا مش لاقيه و بصراحة زهقت من اني ادور !
لحد امتي هخدع نفسي ب ان كل حاجة بتحصل ف الحياة دي قضاء و قدر و كل حاجة بنخسرها بنقول كده !
لا ليها سبب !
كل حاجة بتعدي ف حياتي بتسيب علامة ..
حتي لو بسيطة و لو خربوش
و من وانا ف مكاني ساعات ببص عليا زمان !
بحط نفسي مكان كل حد عرفني قبل كده !
انا متغيرتش انا اتحولت ..
و لو كنت اعرف زمان اني هكون زي ما انا دلوقتي اكيد كان هيبقي في غلطات كتيرة محصلتش
بس انا مش ندمانة علي اي حاجة عدت ف حياتي
او اي شخص خسرته لأن جالي بداله كتير احسن ..
ساعات بحس اني مقصرة ف حق ناس كتير جدا ..
مش بعرف ازعل حد مني !
نفسي اشوف نفسي بعد كام سنة
يا تري هندم علي الي انا فيه دلوقتي ؟
نفسي ادخل جوا كل واحد اشوف شايفني ازاي !
نفسي اموت ابص علي الدنيا من فوق و ارجع تاني
عايزة اشوف كل واحد بيقول عليا ايه من ورايا ..
عشان بالنسبة ليا لو الناس كلها قالتلي امشي علي طول .. همشي عكس الاتجاه .. اصلي مش مولودة عشان اعجب حد :)
ولا فارق معايا كلام الناس .. ف يوم هموت و نفس الناس الي مشيت علي مزاجهم ف حياتي هيبقي اخر دور ليهم يوصلوني للقبر
المهم -نفسي- هي الي هتكون معايا تحت اي وضع و اي مكان .. هي الي استحملتني كل ده مزهقتش مني ولا باعتني !
بحبك يا نفسي :*:*
المهم فهمتوا حاجة ؟
لا؟
شفتوا بقي انا بعاني ازاي :(
